Retour page d'accueil       Retour page "Ville de Dinan"  

L'acte de capitulation de la ville de Dinan prise par Louis II de la Trémoïlle [Note : Louis II de la Trémoïlle, fils d'Alain IX et de Marie de Lorraine, mort à Pavie en 1524] en 1488 a été publié dans les Preuves de D. Morice (Tome III, p 393), d'après une copie empruntée aux archives de Blain ; mais cette copie est incomplète. On a passé sous silence les noms des bourgeois de Dinan qui figurent dans le document ; le jour de l'acte est erroné, 9 au lieu de 8 ; de plus on a négligé d'indiquer les signatures des personnages qui ont reçu la soumission des Dinannais.

Grâce à la grande obligeance de M. le duc de la Trémoïlle j'ai pu avoir communication de ce document, en original, revêtu des signatures autographes des contractants et j'ai pensé que ce texte exact pouvait figurer utilement.

Il est plusieurs fois fait allusion au siège de Dinan dans la Correspondance de Charles VIII et de ses conseillers ainsi qu'avec Louis de la Trémoïlle. Dans une lettre du 24 juin le roi lui trace l'itinéraire qu'il doit suivre : « venant de Martigné, le chemin où vous serez le mieux est d'aller à Dignan ou Fougères par les Grèves ». Un mois après, le 23 juillet, il lui écrivait encore : « Vous n'aurez que trois places à prendre, Rennes, Dinan et Saint-Malo ».

Le 8 août suivant, Louis de la Trémoïlle faisait prisonnier le prince d'Orange et le duc d'Orléans, depuis Louis XII à la bataille de Saint-Aubin du Cormier.

Cy apres ensuist les points et articles parlez et devisez par apointement et traicté entre tres redoubté et tres puissant seigneur le sires de Rohan [Note : Jean II, vicomte de Rohan, fils d'Alain IX et de Marie de Lorraine] d'une partie et missires Amaury de la Moussaye seigneur dudit lieu, maistre Rolland du Breill seigneur de Rays, sénéchal de Rennes, Thomas de Québriac, seigneur dudit lieu, Jehan Chesnel, seigneur de Maillechat, lieutenant du capitaine de la ville de Dinan, maistre Guillaume de la Vallée, alloué et Charles du Breill, procureur dudit lieu, messire Bertram de Quédillac, seigneur de Tadam, messire Gilles Ferré, seigneur de la Garaye, Guion de Vendel seigneur dudit lieu, Pierre de Plouer seigneur dudit lieu, Guillaume de la Bouexière seigneur de Monfort, Hervé Pastau, Jehan d'Ivignac, seigneur dudit lieu, Auffray de la Motte, Pierre d'Espinay seigneur de la Ville Gilouart, Guillaume Legac, seigneur du Pleisseix, Guillaume de la Bouexière, seigneur de Launay-Baudouin, Gilles Hingant, Jehan Ruffier du Cobas, Henry de Launay, Geffroy Lesage, Jehan le Rebours, Jehan Girard, Guillaume et Jehan de la Villermayt, Robert Couplière, maistre Bertram de Porcon, Jehan de Tremigon, René Avallour, Alain du Bouais Adam, Olivier de Pelimeuc, Briant de Pleumaugat, Bertram de la Vallée nobles capitaines et gens d'armes estant apresent à la garde et garnison de ladite ville de Dinan ; Guillot Chollet, Guillaume Lambert, Franczois Mucet, Jehan Fontenaye, Jehan Cadet, Alain de Saint-Cire, Charles Chauchart, Lembert, Jehan Razel, Raoullet Lemarchant, Thomas Picot, Jocelin Sarcel, Bertram Giquel, Guillaume Lemaczon, Pierre Gourcuff, Guillaume Cadet, Guillaume Le Bastet, Jaquet Aubelet, Rogier Vincent lesne, Charles de la Haye. Jehan Caragnel, Thevenot Diepays, Richier Maufras, Jehannot Vassal, Jehan Vincent, Perrinot le Reffeit bourgeoys, manens et habitans de ladite ville de Dinan representant la maire et plus saine parti d'iceulx bourgeoys, manens et habitans dudit lieu d'aultre partie, touchant la composition des ville et archidiaconé de Dinan.

Et premier :

Que lesdits capitaines, nobles, bourgeois et habitans de ladite ville bailleront et mettront entre les mains dudit sire de Rohan ladite ville et place de Dinan pour la bailler entre les mains de qui bon lui semblera et y metre tels gens que lui plera ; queulx demorant en ladite ville feront serment audit sire ou à ceulx à qui il baillera la garde de ladite ville, que s'ils savent ou cognoissent quelque chose préjudiciable au roy, ses pays et subgects, qu'ils le lui reveleront ou a celx qui auront la garde de ladite ville. Et ce faisant ledit seigneur leur a promis, octroié et acordé que incontinent l'armée du roy qui de present est davant ladite ville sera retirée ailleurs et que les demorans et habitans en icelle ville et oudit archidiaconé de Dinan seront par ledit sire et autres qui auroit le gouvernement de ladite ville troictés, regis et gouvernés en paix, transquilité avec tous et chacuns leurs biens, meubles et immeubles quelque part qu'ils soient situés et assis et sans ce qu'ils soient prins ne leurs biens en aucune manière, mais les troictera et sera troictés en toute doulceur, paix et amitié. Et s'il y a aucunes places fortes oudit archidiaconé qui voulseissent tenir contre le roy neanmoins ceste conposicion, on les poura assieger prandre par force et par tous autres moiens que on voira l'avoir affere avecques pugnir et corriger au voulloir dudit sires.

Aussi a este accordé de maintenir, garder et entretenir les dessus dits capitaines, nobles bourgeois et habitans et autres demorans oudit archidiaconé en toutes et chacunes leurs libertez, droiz et franchises qui leur apartiennent et dont ils ont acoustumé joir et user sans aucune chose, faire au contraire, mais en joiront et useront.

Item leur a esté acordé qu'ils ne seront tirez pour faire la guerre en quelque lieu et contre quelque personne que ce soit, mais seront et demouront esdites ville et archediaconé pour la garde d'iceulx ou ailleurs en leurs maisons comme bon leur semblera.

Item que s'il y a aucuns desdits nobles bourgeoys ou habitans de sadite ville et archidiaconé ou autres estrangiers estans apresant en icelle ville qui s'en vouldroint aller et retirer ailleurs ilz le pourront faire dedans quinze jours prochains venans et emporter avecque eulx tous et chacuns leurs biens et bagues sauffves sans ce que aucuns inpeschement leur y soit donné au contraire, oultre leur bailler seurtés et sauf conduits vallables durant ledit temps, oultre a esté octrié, acordé et promis ausdits nobles bourgeoys et habitans fere rendre et restituer les bestails et prinsonniers qui seront trouvés en nature qui ont esté prins audit archidiaconé dempuis la letre escripte par ceulx dudit lieu de Dinan audit sire pour louverture de ceste presente composition.

Lequel traicté et composition les dits sire de Rohan et nobles bourgeoys, et habitans, respectivement chacun de sa part et pour ce que lui touche ont prins et jures tenir de bonne fois parceque hault et puissant le sire de la Tremouille lieutenant général du Roy auquel a esté ledit traicté remonstré l'a ainsi baillé, promis et octrié. Fait le ouitième jour d'Aougst lan mil IIIIc quatre vingts ouit.

Signé : DE LA TREMOILLE, DU BREILL, DE LA VALLÉE, DE LA MOUSSAYE, GILLES FERRE, JEHAN DE TREMARGAT, DU BOUAISADAN.

© Copyright - Tous droits réservés.